67.విషాద ప్యమృతం గ్రాహ్యం, బాలాదపి సుభాషితం.

అమిత్రాదపి సద్ వృత్తం, అమేధ్యాదపి కాంచనం.

68.స్త్రియో, రత్నా, స్తథా విద్యా , ధర్మం, శౌచం, సుభాషితం,

వివిధాని చ శిల్పాని, సమాధేయాని సర్వతః ll

69.రోగ, శోక, పరీతాప, బంధన, వ్యసనానిచ,

ఆత్మాపరధ వృక్షాణాం ఫలాన్యేతాని దేహినాం.

70సంసార విష వృక్షస్య ద్వే ఫలే అమృతోపమా.

కావ్యామృత రసాస్వాదః, సంగమ స్సజ్జనై స్సహ.

71.వస్త్రేణ , వపుషా, వాచా, విద్యయా, వినయేనచ,

నకారైః పంచభిర్హీనః వాసవోపి న పూజ్యతే.

72.కృత్వా పాపం హి సంతప్య, తస్మాత్  పాపాత్ ప్రముచ్యతే.
నైవ కుర్యాత్ పున రితి నివృత్యా పూయతే తు స:.
73.అయం నిజ:? పరో?వేతి గణనా లఘు చేతసామ్.
ఉదార చరితానాం తు వసుధైక కుటుంబకమ్.
74.ఖలానాం, కంటకానాంచ, ద్వివిధైవ ప్రతిక్రియా!

ఉపానన్ముఖ భంగోవా, దూరతోవా విసర్జనమ్.

75.గంగా పాపం శశీ తాపం దైన్యం కల్ప తరుస్తథా.
పాపం తాపంచ దైన్యంచ హంతి సజ్జన దర్శనం.
76.జరాం మృత్యుం భయం వ్యాధిం యో జానాతి స పండిత:
స్వస్థ స్తిష్ఠే న్నిషేదే ద్వా స్వపేద్వా కేనచి ద్ధసేత్.
77.పరోపకారాయ ఫలంతి వృక్షా: - పరోపకారాయ దుహంతి గావ:
పరోప కారాయ వహంతి నద్య: - పరోపకారార్థమిదం శరీరం.
78.ఏకేనాపి సువృక్షేణ పుష్పితేన సుగంధినా
వాస్యతే తద్వనం సర్వం సుపుత్రేణ కులం యథా!
79.బ్రహ్మఘ్నేచ సురాపేచ చోరే భగ్నవ్రతే తథా!

నిష్కృతిర్వహితాసద్భిః కృతఘ్నేనాస్తి నిష్కృతిః! 

80.ఏకేనాzపి కు వృక్షేణ కోటరస్థిత వహ్నినా
దహ్యతే తద్వనం సర్వం. కు పుత్రేణ కులం యథా.
81.మన ఏవ మనుష్యాణాం కారణం బంధ మోక్షయో:
బంధనా విషయాసక్తం ముక్త్యై  నిర్విషయగ్ స్మృతమ్.
82.నారికేళ సమాకారా దృశ్యంతేహి సుహృజ్జనా:l
అన్యే బదరికాకారా బహిరేవ మనోహరా: ll 
83ప్రత్యాఖ్యానేచ, దానేచ,  సుఖ దు:ఖే, ప్రియాzప్రియేl
ఆత్మౌపన్యేన, పురుష: ప్రమాణ మధి గచ్ఛతిll
84.యత్యథోzథోవ్రజత్యుచ్చై: నర: స్వైరేవ కర్మభి:
కూపస్య ఖనితా యద్వ త్ప్రాకారస్యేవ కారక:ll
85.న గృహం గృహమిత్యాహు: గృహిణీ గృహ ముచ్యతే.
గృహంతు గృహిణీ హీనం అరణ్య సదృశం మతం.
86.పుత్ర పౌత్ర వధూ భృత్యై రాక్రాంతమపి సర్వత:
భార్యా హీనం గృహస్థస్య శూన్యమేవ గృహం భవేత్.
87.నిస్సారస్య పదార్థస్య ప్రాయేణాడంబరో మహాన్
న సువర్ణే ద్వనిస్తాదృక్ యాదృక్ కాస్యే ప్రజాయతే.

చెప్పుకోండి చూద్దాం ? ఈమె ఎవరు?

కూచి పూడి నృత్య కువలయేక్షణ సత్య
భామ వేషమందు ప్రథితుఁడితఁడు.
విశ్వ కీర్తిఁ గన్న వేదాంత సత్యనా
రాయణాఖ్యుఁడితఁడు రమ్య మూర్తి. 

మీరు చేరదీస్తున్న చెడే మీపాలిట మృత్యువు.

చ:-యువకులనేకమంది తమ యుత్సుకతన్ పరులన్ హసింపనో,
యువతుల నేడిపించుటనొ, హూంకృతితో బెదిరించుచుండనో.
భవితను భారతావనికి పన్నుగ నశము మొంద జేయ నెంచనో.
చవటల పోలి చేయును. మజాలకు లోనయి మాయుటేలనో.

చ:- నిజము గణింపుడయ్య! మిము నీరజ సంభవు నాలి మీకడన్
ఋజువుగ నుండి కాచునుగ! దృష్టి మరల్చక నేర్చు నప్పుడున్
సుజనులసంగతుల్ తమకు శోభనొసంగెడు. దుష్ట్ సంగతుల్
భుజగముభంగి మిమ్ములను పూర్తిగ మృత్యు ముఖానకంపునే!

యువత వర్ధిల్లాలి

ఆంధ్ర యువజనులారా! భారతాంబ ముద్దు బిడ్డలారా! విజ్ఞాన సంపన్నులారా! మీరు కిం కర్తవ్యతా మూఢులు కారని నాకు తెలుసు. ప్రపంచ దేశాలన్నీ మన దేశాన్ని మానవ వనరులు ఎక్కువగానున్న దేశంగా భావిస్తుంటాయి. ఏ దేశ భవిత అయినా ఆ దేశయువతమీదే ఆధార పడి వుందన్నమాట నగ్న సత్యం.యువత నిర్లిప్తంగా వుంటే ఆ దేశం అభివృద్ధి కుంటుబడుతుంది. గడచే ప్రతీ క్షణం విజ్ఞాన సముపార్జనకో వివేక విస్తరణకో ధర్మ మార్గాన ధన సంపాదనకో, సామాజిక పురోభివృద్ధి కొరకై చేపట్టిన సేవలకో మనం వినియోగించుకోవాలి. మనం నిర్లిప్తంగా వుంటే, నిర్లక్ష్యంగా వుంటే దాని పర్యవసానం చాలా ఘోరంగా వుంటుందనడంలో ఏ మాత్రం సందేహం లేదు.నిర్లిప్తంగా వుండకండి. నిర్లక్ష్యాన్ని పూర్తిగా విడిచిపెట్టండి. ఆదర్శ జీవనానికై అర్రులు చాచండి.మీ జీవన గమ్యాన్ని సరిగా నిర్దేశించుకోవడంలొ పెద్దల సహాయాన్ని అర్ధించండి.మహాత్ములు నడచిన బాటను గమనించండి. విశాల దృక్పథాలు ఏర్పరచుకోండి. మీ సమస్యలను మీలోనే అణచుకొంటూ బాధకు లోను కాకండి. మిత్రుల, పెద్దల, మేధావుల దృష్టిలో పెట్టి పరిష్కార మార్గాన్ని తెలుసుకొండి. హాయిగా బ్రతకండి మీ తోటి వారికి మీ ఆనందాన్ని పంచండి.భావి భారతికి మంచి పునాదులు వేయండి. జైహింద్.

అంతర్జాల భువన విజయము

ప్రియ సాహితీ బంధువులారా! అంతర్ జాల భువన విజయము నిర్వహణలో కృతకృత్యులయినందుకు మీ అందరికీ నా అభినందనలు.నిర్వహణ దీక్షా దక్షులయిన రాయల వారికి కూడా కృతకృత్యులయినందుకు నా హృదయ పూర్వక అభినందనలు. మీరంతా నాపద్యాలకు చక్కని వ్యాఖ్యానం చేసి ప్రోత్సహించినందుకు మీ అందరికీ నా ధన్యవాదములు.
సీ:-కృష్ణ రాయలు పద్య తృష్ణ తోడ కవుల - నష్టా దశా2ధిక మలర నుంచి,
భువన మంతయు సభా భవన మట్టుల జేసి - పెద్దనాదులు తమ ప్రతిభ జూప
పద్యము లెన్నియో హృద్యమౌ రీతిలో - పలుకు నట్టుల జేసి, వెలయ జేసి
భువన విజయమును కవన విజయమన - కవులకు సన్నుతి కలుగ జేసి.
గీ:-ఆంధ్ర సాహితీ వేత్తలు హర్ష మునను - పొంగ, భువన మంతర్జాల భువనవిజయ
కవుల కల్పనా పటిమను కాంక్ష తోడ - చూడ, జేసిరి . తానె మన తోడ నుండి.

చ:- కవులను కోరుచుంటి. తమ కమ్మని సత్ కవితా ప్రవాహమున్
భువిని ప్రశస్థమౌనటుల ముచ్చటతో ప్రవహింప జేయుచున్
భువనమె కృష్ణ రాయకవి పుణ్య ప్రదంబగు కొల్వుగా, సభా
భవనమునమునందు సత్ కవిగ పన్నుగ మీరు రహింప. నెల్లెడన్.
సజ్జన విధేయుడు
చింతా రామ కృష్ణా రావు.
{ ఆంధ్రామృతం బ్లాగ్}

నేను సైతం

సరస్వతి మాత శ్లోకం